أغنية أنا...والتوهه... والمشوار

وبحس لما تغيبي عني
ورداية دبلت ع الفروع
عصفورة مكسورة الجناح
مسروقه يمكن روحي مني
عمال ادور ع اللي راح
براح الساكن جوا قلبي
غيمه شايفها الدنيا من غيرك
***
ولما بتطولي الغيبه
بموت ف الثانيه مليون مرة
بتفوت عليا سنين شقا
اسمعيني ف يوم بقي
مايهمنيش..
لو حتي هدبل ع الفروع
او أعيش من غير ضلوع
راضي أمشي ف سكتك
لجل ما ارسي جوا مرسي
عاشق التوحيد ف حبك
ليكي انتي ..هعيش معاكي
الروح فداكي يا اغلي عمر
اسرقيني بنظره واحده من نور عنيكي
اسكنيني ...
عيشيني أحلي لحظه بين ايديكي
ف حضنك الدافي الحنون
اتعلم القلب الشجون
ربيع حياتي ابتدا بلمسه ايديكي
اسرقيني لدنيا تانيه
أعيش فيها كل الجنون
لملميني ..
اسرقي العمر اللي باقي
فيكي يحلي كل عصر وكل لون

إهداء الي من عرف القلب بها معني الحب ....الي حبيبتي

أحزان بلا مرسي

ساعات أيامنا تقسي علينا
..بنتألم
.. وساعات بنتكلم
وساعات أيامنا تبكيّنا
.. تراضينا
...وياريتنا نتعلم
***
وساعات أيامنا تكسينا
توب الهموم
تنزل دموعنا مغرقة
كل الهدوم
***
وساعات ساعات القرب
جوه القلب
تشعل لهيب الحب
وساعات البعد يبقي عليك محسوب
(2)
ساعات الحزن يضحكنا
والفرح يبكينا
ويقلب نهارنا ليالينا
***
ساعات يكتر علينا الحمل
وجوانا بنتألم..
نصرخ...
ولا صاحب يكون لنا ضل
***
ساعات أيامنا تبقي جحيم
لما نكدّب ع اليتيم
نقول مفيش ومعانا
ومين هيدوق النعيم
شعر /محمد عمر النجار

معزوفات خريفيه

أنا هنا

تُقرضني الأيام

ويُقرضني صمتي

الذي يأتي

ولا يمضي

فلولا سحابات الخريف لما

تشهينا للشمس مطلعا

أنا هنا

افترش الشمس

مرتعا لي

وامضي...

نخل الهوي

ليه .. وألف ليه سرقاني
كل أمّا أشوفك
كلمة بحبكْ
تنعقد "ف" لساني
خوفي جوه قلبي ساكن
من زمان...
ولا انتظاري للمعاد نساني
حروف كلمة بحبكْ
جوانا ليه الضحكة غرقانه؟
بقالها سنين.. وأنا بانتظر
بحسب في عمري الجاي
أحلام ... ملهاش عدد
هوَّ ليه نخل الهوى ينحني ؟!
وأنا بانتظر ...من كام سنة
كل أمّا أشوفك
وعنيا "ف" عنيكِ
دموعي ِتوشوشك
... وألف ليه قتلاني
و"ف" درب التوهه رمياني
أوعاكِ بكرة تنسي الحقيقة
أزاي..وأمتي ..وليه؟!
سايبك يمكن تعرفي
حكايتي اللي بقالها مليون سنة
راحل أنا..

لو قالو مجنون

لو قالوا مجنونْ
قلتُ

أسيُر في سكونْ

وحزني يملؤني
تراقبني العيونْ
****
مستقبلٌ وخيمْ
....فكرٌ عقيمْ
ويَحسَبُ الناسُ أنَّ
في النارِ نعيمْ
****
خالفوا الشرعَ والدينْ
...قتلوا نصرَ حطينْ
أأبني من الثلجِ بيتاً
..فوقَ بيتٍ من الطينْ ؟!

زي النهرده "في ذكري السنويه الاولي"

-صورة-
كبرت قدامي مخالب الموت
والدنيا سكوت "ف" سكوت
زي الدمع السايل"ع" الخد
نزل الموت يتسحب
علي وش البيت
فوق كشكولي وقلمي...
نازل كما غيمة
علي حطان البيت
خطف الأميرة_ صرخ الطير
خلاني أركع قدام الخوف الداير من قولة موت
-أصل-
(1)
زى النهردة
كانت هنا علي الأرض ..البنت الجميلة
والنزيف ملّو القلوب والعيون الجوانّية
اللي خايف ...اللي يصرخ
واللي من كتر البكا يضحك"ع" البليّة
سافرت لبلاد بعيدة
وركبت حصان المنية
سابت غربنا.. سكنت شرقنا
دي هيا اللي كانت ضلنا
كانت صبية رغم الكبر
كانت أميرة
زى الندي زى المطر
زى الملايكة..
زى الزهرة مولودة من رحم الشجر
يا حزن و معشش "ف" أحضاني
هات دمعي ويا حيرتي
وابني أول طوبة "ف" قصر أحزاني
(2)
لسه بدري ع الغياب.. يا حورية
سبتي أبويا لمين يمسح دمعته
وسبتي ولادك لمين ... يا صبية
لساها سحر مجنونة بيكي
وهالة وإيمان بيموتوا فيكي
لساها عفاف بتجيب الصور
عشان تتملي ف ملامحك
وخالد ويا غربته..
عايش علي دعوتك
مفيش غيرها تفكّله محنته
وعامر شوقه بيقتله
صار قلبه حزين علي فرقتك
وآآه .. وألف آه يا امه
لو جيتي لوليد ف منامه
يقوم حافي علي أقدامه
وعلي صورتك ويخطفها
يخدها قوام "ف" أحضانه
وأنا زيهم .. لساني بعبدك
لساني جوه قليبي محفورة
علي جبيني حروف اسمك
دا ابنك مانيش صورة
لسانا يا امه بنعشقك

لسانا يا امه بنعشقك